Hindi masusukat ng tagumpay,
Para malaman mo kung sino ang totoo o tunay,
Bagkus sa kung sino ang nariyan—
Noong ipinaranas sa'yo ng mundo ang kabiguan.

Hindi basehan ang kasiyahan,
Para makita mo kung sino ang hindi mang-iiwan.
Sa halip ay kung sino ang handang kang damayan—
Kahit sa lalim ng kalungkutan.

Hindi masusukat ng araw-araw na usapan,
Para malaman ang tibay ng samahan,
Kundi ng malalim na pang-unawa sa sitwasyon ng bawat isa–
Sapat na ang simpleng kumustahan at pagtitiwala.

Hindi kailanman masusukat ng tagal,
Ang tibay at lalim ng pagmamahal.
Lahat ay maaaring magbago—
Depende sa prayoridad ng tao.

Sa totoo lang,
Bihira na lang ang taong—
Hindi nakabase ang pakikisama sa pakinabang.