Buti na lang nawala tayo, natagpuan ko na hindi lang pala sa iyo maaaring umikot itong mundo. Marami pa pala akong hindi napupuntahan, hindi nagagawa at hindi nasusubukan.

Buti na lang hinayaan mo akong mawala, siguro kung hindi ay palagi na lang akong makukulong sa pag-ibig na wala nang kalma at payapa.

Napagtanto kong ganito pala kapag masaya, wala nang iniisip at iniinda. Buti na lang nawala tayo. Malaki pala ang mundo, hindi lang puro ikaw at ako.