Tiningnan ko siya, at dahil kamumulat lang ng mga mata ko, medyo hindi pa klaro yung nakikita ko tapos sabi niya,

"Halika na, naiihi na kasi talaga ako, e," nakangisi siya habang sinasabi niya yun at nasa may baba na siya ng kama namin.

Pero nung tatayo na sana ako sa kama, bigla akong may nakapang paa. Pagkalingon ko, tumayo bigla yung mga balahibo sa katawan ko, as in lahat… kasi andun nakahiga yung ate ko, kaya sino yung nasa harapan ko?

Dahan-dahan akong tumingin sa harapan at nakita ko talaga siyang nakatayo habang unti-unting umaatras hanggang sa tuluyan na siyang naglaho sa dilim. Hindi na ako nakatulog pagtapos nun, binuksan ko na lang yung ilaw sa kwarto at ginising ko na talaga yung ate ko.